ഒരു നാൾ മുൻപേ
അത്തം പിറന്നൊരു നാളുമുതൽ
പൂപ്പാടം കൊതിച്ചോരോണച്ചേല
വർണ്ണനാതീതമാം നിറമുടുത്തും
മാരുതൻ വീശുന്ന ലയതരംഗം
ഏറ്റെടുത്താടി സുഗന്ധവർഷം
കുളിരല നേദിച്ച ഹിമകണ മുത്തുകൾ
പുഷ്പ ദലങ്ങളിൽ ഒളിച്ചു വച്ചും.
കാറ്റിൻ കരങ്ങളിൽ നൃത്തം ചവിട്ടുന്ന
പൂക്കുലമുട്ടുകൾ പിൻനിരന്നും.
തിരുവോണത്തപ്പന് പൂത്തിലകം.
ആർപ്പു വിളികളും ആർതുല്ലസ്സിക്കലും
തരിവള പൊൻവളയിട്ട കൈയ്യാൽ
പൂക്കളിറുക്കുന്നോരിളം കരങ്ങൾ
ഇമവെട്ടാതെയൊന്നു നോക്കി നിന്നു
അറിയാതെ വീണൊരു സ്നേഹ ബാഷ്പം.
---------------ജയരാജ്‌----------------