ചതിയുടെ പടം
എന്റെ പുതിയ പൂന്തോട്ടത്തിൽ
പ്രളയാനന്തരം വളരുന്ന പച്ചപ്പ്‌
ഒന്നും ഒരു ബീജത്തിൽ നിന്ന്
ഉയർന്നവയല്ല എല്ലാം ഒട്ടിച്ചതാണ്.
റോസ് ചെടിവേണോ
ഏത് നിറം ഏതു വലിപ്പം
ഒറ്റപ്പൂവോ കൂട്ടപ്പൂവോ
ഒറ്റച്ചെടിയോ
ഒന്നിൽ പത്ത് നിറമോ വലിപ്പമോ
ഏതു വേണമെന്ന്
പടി കയറും മുൻപ് ആലോചിക്ക്
ഇനി ആലോചിക്കാൻ
ആളെ വേണോ അതും തയ്യാർ.
ഇനി വളമിടുന്ന രീതി
വളം ഉള്ളിത്തൊലി മുതൽ ചായ വരെ
മീൻ കുടൽ മുതൽ തൈര്‌ വരെ
ഇതൊക്കെ പഠിപ്പിക്കുന്ന
Teaching by doing vedio
നിങ്ങൾ അവിടെനിന്ന് റോസ് വാങ്ങു
ബാക്കി ഞങ്ങൾ ചെയ്യാം.
ചില ചെടികളും ധനം കൊണ്ടുവരും
ചിലവ സമാധാനം തരും
ചിലത് വല്ലയിടത്തും വച്ചാൽ
തറവാട് കുടുംബമാകും.
മുല്ലയായാലും അശോകമായാലും
ചെത്തിയൊ മന്ദാരമോ
ഒരൊറ്റ ചിത്രശലഭവും ഇതിന്റെ
ഏഴയലത്തു വരില്ല
എല്ലാം 3D പടം പോലെയാണ്
ഇനി ജന്മനക്ഷത്ര ചെടികൾ
ജലദോഷം മുതൽ ക്യാൻസർ വരെ
ശമിപ്പിക്കാം മൂടോടെ നശിപ്പിക്കാം.
ഇവിടെയാണ് ഞാനെന്റെ മുഖം മൂടി
ഒരിക്കൽ കൂടി അണിയുന്നു.