മരിച്ച നാരായങ്ങൾ
നാവില്ലാത്ത ജീവനില്ലാത്ത
കൽപ്രതിമകളല്ലല്ലോ നിങ്ങൾ
ജന്മിത്തത്തെയും അനാചാരങ്ങളെയും
തീയെക്കാളും ജ്വലിച്ചു നിന്ന്‌
സാധുക്കൾക്ക് വേണ്ടി
സമരം ചെയ്തു മനുഷ്യരുടെ
മനസിന്റെ പൊൻവെളിച്ചമായി
ഉറച്ച കാൽവെപ്പുകളോടെ
ധീരസ്വരവുമായി നിന്നവർ.
തലകുനിക്കുന്നുവോ
ശക്തിയില്ലാ കാരണവർ
പോയവഴിയെ എന്നും തെളിക്കുന്നു.
ഒരു മഞ്ഞ ചിരിയോടെ
ഹൃദയത്തിനു മുകളിൽ കല്ല്
കയറ്റിവച്ചീട്ടു പീഡനത്തിന്റെ
വ്യാപ്തിയും ആഴവും
അളക്കുന്ന ഉപകരണത്തിന്റെ
പേറ്റാൻണ്ട് നേടുവാൻ
കാത്തിരിക്കുന്നവന് കുടപിടിക്കുന്നു.
ഒരേ നിറമുള്ള വാദ്യ വിശേഷജ്ഞന്‍
മിഴാവ് കൊട്ടുന്നു.