കൊച്ചിക്കൊരച്ചി
കൊച്ചി കണ്ടവനച്ചി വേണ്ട
ലോകം സുന്ദരി പട്ടങ്ങളുമായി
അച്ചിലോകം കൊച്ചിയിലോ
യുവതയുടെ മനം ത്രസിപ്പിക്കാൻ
ലലനാ മണികൾ നടക്കുന്നു.
അർധ നഗ്നം മേനിയോടെ
ചലനമുള്ള ചിത്രങ്ങൾ കണ്ടവർ
ഇതാ നേരിട്ട് ജീവനോടെ
വെണ്ണതോൽക്കുമുടലിൽ
അല്പവസ്ത്രധാരിണിയായി
ശരിയായ കച്ചവടകൈവെള്ളയിൽ
വിലയിട്ടു നിരത്തി വിലപേശാൻ
സോപ്പ് ചീപ്പ് കണ്ണാടി വിറ്റ്
കണ്ടവർക്കച്ചിയെ സ്വീകരിക്കാൻ
അംഗനമാരുടെ ശരീരശാസ്ത്രം
കണ്ണഞ്ചിപ്പിക്കുന്ന വെളിച്ചവിതാനത്തിൽ
ആത്മ നിർവൃതിയോടൊപ്പം
നാണയചക്രങ്ങളും ഉരുട്ടിയടുപ്പിക്കുന്നു.
കൊച്ചി നീയൊരു അച്ചിയെ കൊടുക്കു.