പാതാള സത്യം
പാതാളത്തിലെ രസതന്ത്രം
ഭൂമി ദശലക്ഷക്കണക്കിന് അടി
കുഴിച്ച ശാസ്ത്ര സംഘം
അട്ടഹാസങ്ങളും ദീനരോദനവും
കേട്ടു ഞെട്ടിവിറച്ചുപോയി.
ഇനിയിപ്പോൾ ഊറ്റി കുടിക്കുന്നവൻ
ഓർത്തുകൊള്ളട്ടെ
ഒരു സംശയവും വേണ്ട
സന്മനസുള്ളവരെ
നിങ്ങളാശ്വസിക്കുക
അവർ അവരെ അവിടേക്കു
കൂട്ടിക്കൊണ്ടുപ്പോകും.
ഇപ്പോളവർ ഭൂമിയിലെ സ്വർഗ്ഗത്തിൽ
അര്മാദിക്കുകയാണ്
മനുഷ്യന്റെ ചോരയും നീരും ഊറ്റി
കുടലുണങ്ങി അമേധ്യമില്ലാത്തവന്
കക്കൂസ് ഉണ്ടാക്കുകയാണ്.
ഭരണതന്ത്രം അതിവേഗം
സോഷ്യലിസത്തിലാക്കാൻ
മതത്തിന്റെ എല്ലൂരിയെടുത്തു
യാദവകുലത്തിന്റെ പിതൃശാപം
കെട്ടിയേല്പിച്ചു തമ്മിലടിപ്പിക്കുന്നു.