അസന്തുലിതം
അറിയാതെ പറ്റിയതല്ല
അവളോടുള്ള ചെടിപ്പ്
അതെത്ര തീർത്താലും
തീരാതെ
ഉയർന്നു നുരയായി
രോമ കൂപങ്ങളിൽ
അഗ്നി പടർപ്പായി
ഉൾവലിഞ്ഞു
അന്തരാവയങ്ങളിൽ
തട്ടി പടർന്നു
കരളിന്റെ മോഹവാതിലിനു
ആമത്താഴിട്ടു പൂട്ടി
മസ്‌തിഷ്‌ക്ക ഞെക്കുവിളക്ക്
മറച്ചു പിടിച്ചു
എല്ലാ രൗദ്ര ഭാവങ്ങളും
കൈകാലിലേക്കും
ആവാഹിച്ചു
വെറും അവളോടുള്ള കലിപ്പ്
അതൊന്നുമാത്രം
കൊണ്ടാണ്
പാവം മനുഷ്യനെ
ദീനനായവനെ
കടവയറ്റിൽ ചവിട്ടിയത്
അവനെ കൊല്ലാനോ
ശിക്ഷിക്കാനോ കരുതിയില്ല
വെറും അവളോടുള്ള ദേഷ്യം
ഭാര്യയാണത്രെ ഭാര്യ
എന്നെ വിലക്കു വാങ്ങിയവർ
അന്ന് തോളിലെ
ഒരൊറ്റ നക്ഷത്ര കുരുന്നിനു
വിലയിട്ടു
വാങ്ങിയവളുടെ അച്ഛൻ
അവളെ നോക്കാനേൽപ്പിച്ചു
നാട്ടുകാരുടെ നിയമപാലകൻ
പാവടച്ചരടിൻ കുടുക്കിലായി
ആത്മസംയമനം പാലിച്ചു
ആത്മാവിനും രോധനമായി
അന്തി പട്ടിണിയും
അത്താഴ പട്ടിണിയും
എന്നീട്ടും
ഏക കളത്ര വിശ്വാസി
ഇനിയെന്തു നേടാൻ
തോളിലെ നക്ഷത്ര ഭാരം
കൂടിയതല്ലാതെ
ഇനി ശിഷ്ട ജീവിതം
ഒന്നിനും പ്രതീക്ഷയില്ല.