കിണറിനൊരു അടപ്പ്
നിങ്ങൾക്കൊരു കൊമ്പു വേണമായിരുന്നു
തലയിൽ വളരേണ്ടിയിരുന്ന കൊമ്പ്
മൂട്ടിലായിപ്പോയത് വിധി
എന്നീട്ടും ചിലർ അന്ന് വിശേഷ ജീവിയാക്കി
അവാർഡ് കൊടുത്ത് പുറലോകത്തെത്തിച്ചു
ഒരു എഗ്രിമെന്റിൽ മാത്രം
ഇപ്പോൾ മൂട്ടിലെ കൊമ്പ്
കണ്ടവരെടുത്ത ടിക്കറ്റ് പൈസയുടെ ശതമാനം
ഒരു മുടക്കില്ലാതെ ബാങ്കിലെത്തണം
ഇപ്പോൾ അത് അക്കൗണ്ടിൽ നിറയുന്നു
പൈസ കൈകൊണ്ടു തൊടാതെയൊരു
ഇന്ദ്രജാലം സംശുദ്ധമായൊരു രാഷ്ട്രീയം
കിരിയാത്ത് കഷായം കുടിച്ചാലും
ഐസ്ക്രീം നുണയുന്ന മൂടിവച്ച മുഖഭാവം