പരിശുദ്ധം
ശുദ്ധമല്ലാത്ത വെള്ളം
മണിക്കിണറിലെ വെള്ളത്തിൽ
കോളിഫോംസ് ബാക്ടീരിയ
തീർത്ഥമെങ്ങിനെ കുടിക്കും
കുടിച്ചില്ലെങ്കിൽ
ഭഗവാനെന്തു തോന്നും.
കൊതുകു കൂത്താടികൾ
വിഹരിക്കുന്ന സോഡാ വെള്ളം
മദ്യത്തിലൊഴിച്ചാൽ
ശുദ്ധിയാകുന്ന സോഡാവെള്ളം.
ഉപ്പുതൊട്ട് കർപ്പൂരം വരെ
പല്ലിളിച്ചു മായ കാണിക്കുന്നു
പുതുവർഷത്തിൽ
ഒരേയൊരു വസ്തുമാത്രം
മായമില്ലാത്തത് കണ്ടുപിടിച്ചു.
ഇലട്രിസിറ്റി മാത്രം
സംശയമുള്ളവർക്കു
തൊട്ടോ, പിടിച്ചോ, നോക്കാം.