കര്‍മ്മണ്യ
ഒരു മഴയെ വരവേൽക്കാൻ
വീട്ടുകാരിയുടെ ഒരുക്കം
എല്ലാ കരിയിലകളും
അടിച്ചുകൂട്ടി
വൃത്തിയാക്കുന്നു
വീട്ടു മുറ്റത്തു നിൽക്കുന്ന
ഒട്ടു മിക്ക മരങ്ങളും
ഇലകൾ പൊഴിച്ചു
പുതുതളിരിനെ സ്വപ്നത്തിൽ
ദർശിക്കുന്നു
ഏതോ ന്യൂനമർദ്ദത്തിൽ
ചുറ്റിത്തിരിയുന്ന
മഴമേഘങ്ങൾ അങ്ങ്
അറബിക്കടലിൽ കറങ്ങുന്നു
ഗണിച്ചു നോക്കി
ജ്യോതിഷിയും പറഞ്ഞു
മഴ ഒന്ന് പിടിക്കും
(ഒന്ന് പിടിക്കും = നന്നായി പെയ്യും)
( ഒന്ന് പിടിക്കും = താമസിക്കും )
104 ഉപഗ്രഹങ്ങൾ
ഒന്നിച്ചു വിടുവാനും
സമയം ഗണിക്കുന്ന നമ്മൾ
കർമ്മഫലം
ഇച്ഛിക്കരുതല്ലോ
വരണ്ട തോടുകൾ
കാനകൾ
അടിത്തട്ട് കണ്ട കുളങ്ങൾ
എല്ലാം നിറയട്ടെ
നിത്യവും ദിനപത്രങ്ങളിൽ
വരുന്ന പടങ്ങളും
കുടിനീരില്ലാക്കരച്ചിലും
ഒഴിവാക്കാമല്ലോ