കെട്ടുകൾ
വേലികെട്ടാൻ മുള്ളൊന്നാഞ്ഞതും
പുരകെട്ടാനുള്ളൊരോലമെടയാൻ
ഓലമടൽ വെട്ടിചീന്തി വെള്ളത്തിലാഴ്‌ത്തി
ചീച്ചതു വലിച്ചുകയറ്റി മെടഞ്ഞടുത്തതും
പച്ചോല മടൽ വെട്ടിയിട്ടു വഴുവയൂരിയതും
മെടഞ്ഞോലകെട്ടുവാൻ ഓലക്കാതൂർന്നതും
പുരമേയുവാൻ വന്നവരെയെല്ലാമുട്ടിയതും
വെറുതെയാവരുതെന്റെ കാവിലമ്മേ
വേലികെട്ടും പുരകെട്ടും കഴിഞ്ഞാലെങ്കിലും
എന്റെ കെട്ടിന്റെ കാര്യമൊന്നു
ഓർമ്മയകറ്റാതെ ഓർത്തിടണേയെന്റെ
അപ്പനപ്പൂപ്പന്മാരെ പരമ്പരദൈവങ്ങളെ.