തട്ടകം
മനസമാധാനം ഇല്ല കുഞ്ഞേ..!
എന്തെന്നറിയില്ല,
ചെയ്തതൊക്കെയും,
പാമ്പായി തിരിയുന്നു.
നോക്കുകൂലി കൈപറ്റി,
വെള്ളമടിച്ചതാണോ കുറ്റം..!
തറവാട്ടുകാരെ പേടിപ്പിച്ചു,
ഗുണ്ട പിരിവു നടത്തിയതോ..!
ഉച്ചഭാഷിണിയിൽ രാപ്പകൽ,
അട്ടഹസ്സിച്ചതോ..!
അതെല്ലാം അന്നം തരുന്ന,
പ്രിയ നേതാവിനായല്ലേ.
കൊണ്ടും കൊടുത്തും,
വളർന്നില്ല.....!
തളർന്നു ക്ഷയിച്ചു ,
കട്ടയായ ചോര തുപ്പി.
മനസ്സാക്ഷി കുത്തു,
കീഴടക്കി..!
പറഞ്ഞാൽ ആർക്കും,
ബോധാമുദിക്കുന്നില്ല..!
കുശാഗ്ര ബുദ്ധിയാം,
വീര്യമുള്ള നേതാവ്,
വെട്ടിനിരത്തി നീങ്ങുന്നു,
ചക്രവാളം ലക്ഷ്യമായി.
കാണുന്ന ഭണ്ഡാരത്തിൽ,
ഒക്കെ കാണിക്കയിടുന്നു.
കാണാത്ത ദൈവത്തിനെ,
പ്രണമിക്കുന്നു..!!
മൃതപ്രായനായ പഴയ,
സന്തത സഹചാരി.!!!
-------ജയരാജ്‌ -------