കൂടുന്നവർ
വെറുതെയൊരു കാറ്റിനു കൂട്ടുപോകാൻ
വേദാന്ത പൊരുളുകൾ ചികഞ്ഞിടുമ്പോൾ
ശുദ്ധാന്മാവായൊരു ലയതരംഗം
കൂടെയിടം തേടിയരികിൽ വന്നു.
കാലദോഷാദികൾ തീർത്തീടുവാൻ
ദാനധർമ്മാദികൾ ദക്ഷിണകൾ
കണ്ടറിഞ്ഞന്നന്ന് നല്കീടേണം
എള്ളിൻ തരിയിലെ എണ്ണ വേണം
അരണികടഞ്ഞൊരു തീപ്പൊരിയും
കൈമാറി ചാർത്തിയ കളഭ കൂട്ടും
കണ്ണെഴുതാനൊരു കരിമഷിയും.
അന്നെന്റെയോർമ്മകൾ കൂട്ടിമെടഞ്ഞൊരു
വേതാളപ്പേടിണിഞ്ഞരാവിൽ
ആരുമെടുക്കാത്തൊരു കാലണ കൊണ്ടൊരു
പൂർണ്ണത്തുലാഭാരം തീർത്തു
വെറുതെയായിന്നൊരു കൂട്ടുപോകാൻ
തറ്റുടുത്താളുകളൊട്ടും വേണ്ട
തീവെട്ടി കൂട്ടങ്ങൾ കൂടെവേണ്ട.