ദാനം അറിയുക
ഒരു ചെറു പുഞ്ചിരി ഇത്രമേലെപ്പോഴും
മാറ്റങ്ങളുണ്ടാക്കാനൊക്കുമെന്നോ ?
അറിഞ്ഞില്ലയന്നൊന്നും അറിവിന്റെയറ്റം
പൊയ്‌മുഖ മേലങ്കിയണിഞ്ഞ നാളിൽ.
ഒരു ചെറു വിരലിന്റെ സ്പർശനമിത്രയും
മാറ്റങ്ങളുണ്ടാക്കാനൊക്കുമെന്നോ ?
അറിഞ്ഞില്ലയന്നൊന്നും അറിവിന്റെയറ്റം
പൊയ്‌മുഖ മേലങ്കിയണിഞ്ഞ നാളിൽ.
ലഹരി നിറഞ്ഞൊരു പാതകൾ പിന്നിട്ട
അലോക്യ സുഖമെന്ന് നിനച്ച നാളിൽ
കരകണ്ട സത്യവും മിഴികണ്ട ദൂരവും
വ്യർത്ഥമാം സത്ര്യമെന്നറിഞ്ഞ കാലം.
ഒരു ചെറുസ്പർശം ഒരു ചെറുപുഞ്ചിരി
ഒത്തൊരുമിച്ചൊരു സാന്ത്വനവും
വാതായനത്തിലൂടലിഞ്ഞെത്തും നിന്നുടെ
ദീനസ്വരങ്ങളെ മാറ്റിയല്ലോ.