സര്‍വാത്മനാ
കണ്ടു മടുത്തു കോപ്രായങ്ങൾ
കേട്ട് മടുത്തൊരു തോറ്റംപ്പാട്ടും
എല്ലാമെല്ലാമഭിനയമികവുകൾ
ചില്ലറ ഞോണ്ടാനൊത്തിരി കാര്യം
നേരായീട്ടൊരു പണികളുമില്ല
രക്ഷകനായി അവതാരം
മേമ്പൊടി തീർക്കാൻ
വാർത്തയിൽ നിറയാൻ
കൈയ്യിലിരിപ്പൊരു സാമര്‍ത്ഥ്യം
വീണാൽ വിദ്യകളപ്പോഴെത്തും
കാലുകൾ മുകളിലുയര്ന്നീടും
പാതിരനേരം വിളിച്ചെന്നാലും
പാഞ്ഞു വരുന്നൊരു നേച്ചർ തന്നെ
അവസരമെല്ലാമൊത്തുതികഞ്ഞാൽ
സേവന ഗ്രാഫുകളുയരുന്നു
കാശായീട്ടു നല്കണമെന്നാൽ
നോട്ടിൻക്കെട്ടാൽ തുലാഭാരം
പുറകെ തൂങ്ങും പോങ്ങന്മാര്ക്കോ
തുവിടുമപ്പോൾ എള്ളിൻ തരികൾ.
ആംഗലഭാഷയിതറിയാത്തവരും
എല്ലാഭാഷകളറിയുന്നവരും
വേണ്ടത് നേരം തോന്നാത്തവരും
നേരംകിട്ടാതലയുന്നവരും
നേരിൽ കാണാൻ കഴിയാത്തോരും
നേരിൻ മാര്ഗ്ഗം അറിയുന്നവരും
കൂട്ട് വിളിക്കാം കൂടെ കൂട്ടാം
ടെൻഷൻ ഒഴിഞ്ഞൊരു കാര്യം കാണാം
രക്ഷകനായൊരു സര്‍വാത്മൻ.
----------------ഓ.പി.-------------