വരും വഴികളിൽ
ആരാരുമറിയാതെ അലസമായി നിന്നൊരു
കൊച്ചു മുളംതണ്ടെൻ മുരളിയായി
ആരാരുമറിയാതെ മണ്ണിൽ പുതഞ്ഞൊരു
കാരിരുമ്പിൻ തുണ്ടൊരു കമ്പിയായി
വീണകമ്പിയായി രാഗസമന്വയ മേളമായി
വെള്ളിടി മിന്നി കഴിഞ്ഞൊരു നേരത്ത്‌
മിന്നാമിനുങ്ങുകൾ ഏറ്റുവാങ്ങി ആ വെട്ടം
ചെറു മിന്നലാട്ടമായി പരന്നു മിന്നി
കരയിലലഞ്ഞെത്തി തീരത്തെ പുൽകിയ
തിരകളെപ്പോഴും മറവിയിലായി
പിന്നെയും പിന്നെയും കരയോട് ചൊല്ലുവാൻ
ആർത്ത നാദത്താലടുത്തിടുന്നു
കാണാത്ത പാൽക്കടൽ തിരകളിൽ നുരയുന്നു
പാടി പുകഴ്ത്തുന്ന ഹൃദയ സ്നേഹം
ആരോരും അറിയാത്ത ഹൃദയ രാഗം