ഇഷ്ടമാണോ ?
ഇത്രമേലെന്നെ ഇഷ്ടമാണോ?
ഇത്രയും നാളിലെ പ്രണയത്തിലും.
അത്രയും ഞാനെന്റെ മോഹങ്ങളിൽ,
എത്രയാണെത്രയാണാശിച്ചത്.
എത്രയോ കാലമാണാത്തമസ്സിൽ,
അനന്ത നിഹാരപ്പുതപ്പിനുള്ളിൽ.
അശരീരി എത്രയോ തൊട്ടുണർത്തി,
പാൽക്കടൽ നീന്തിയകത്ത് ചെല്ലാൻ.
അന്നുതൊട്ടിന്നോളം ഈ പ്രണയം,
രാഗാതി ലയവർണ്ണം ചേർത്തു നിർത്തി.
തൊട്ടുഴിയുന്നൊരു കണ്‍വെളിച്ചം,
ഹൃദയത്തിനാഴത്തിലെത്തി നോക്കി.
തൊട്ടു തൊടാതെ ലാസ്യങ്ങളറിയാതെ,
എന്നോളം പ്രണയത്തിൻ മുകുളമായി.
നിൻ നെടുവീർപ്പുകൾ അലിയിച്ചു ഞാനൊരു,
പ്രേമ ജതിസ്വരം തീർത്തിരുന്നു.
--------------ഓ.പി------------